2016 جىلعى 7 ءساۋىر, استانا, ۇكىمەت ءۇيى
«كوشىپ كەلۋشىلەردىڭ قازاقستان رەسپۋبليكاسىنا كەلۋىنىڭ جانە وندا بولۋىنىڭ, سونداي-اق ولاردىڭ قازاقستان رەسپۋبليكاسىنان كەتۋىنىڭ قاعيدالارىن جانە كوشى-قون باقىلاۋىن جۇزەگە اسىرۋ, سونداي-اق قازاقستان رەسپۋبليكاسىنىڭ مەملەكەتتىك شەكاراسىنان زاڭسىز وتەتىن, قازاقستان رەسپۋبليكاسىنىڭ اۋماعىندا زاڭسىز بولاتىن شەتەلدىكتەر مەن ازاماتتىعى جوق ادامداردى, سونداي-اق قازاقستان رەسپۋبليكاسىنىڭ اۋماعىنا كەلۋگە تىيىم سالىنعان ادامداردى ەسەپكە الۋ قاعيدالارىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2012 جىلعى 21 قاڭتارداعى № 148 قاۋلىسىنا وزگەرىستەر ەنگىزۋ تۋرالى
قازاقستان رەسپۋبليكاسىنىڭ ۇكىمەتى قاۋلى ەتەدى:
1. «كوشىپ كەلۋشىلەردىڭ قازاقستان رەسپۋبليكاسىنا كەلۋىنىڭ جانە وندا بولۋىنىڭ, سونداي-اق ولاردىڭ قازاقستان رەسپۋبليكاسىنان كەتۋىنىڭ قاعيدالارىن جانە كوشى-قون باقىلاۋىن جۇزەگە اسىرۋ, سونداي-اق قازاقستان رەسپۋبليكاسىنىڭ مەملەكەتتىك شەكاراسىنان زاڭسىز وتەتىن, قازاقستان رەسپۋبليكاسىنىڭ اۋماعىندا زاڭسىز بولاتىن شەتەلدىكتەر مەن ازاماتتىعى جوق ادامداردى, سونداي-اق قازاقستان رەسپۋبليكاسىنىڭ اۋماعىنا كەلۋگە تىيىم سالىنعان ادامداردى ەسەپكە الۋ قاعيدالارىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2012 جىلعى 21 قاڭتارداعى № 148 قاۋلىسىنا (قازاقستان رەسپۋبليكاسىنىڭ ءپۇاج-ى, 2012 ج., № 29, 388-قۇجات) مىناداي وزگەرىستەر ەنگىزىلسىن:
1) كورسەتىلگەن قاۋلىمەن بەكىتىلگەن كوشىپ كەلۋشىلەردىڭ قازاقستان رەسپۋبليكاسىنا كەلۋىنىڭ جانە وندا بولۋىنىڭ, سونداي-اق ولاردىڭ قازاقستان رەسپۋبليكاسىنان كەتۋىنىڭ قاعيدالارى وسى قاۋلىعا قوسىمشاعا سايكەس جاڭا رەداكتسيادا جازىلسىن;
2) كورسەتىلگەن قاۋلىمەن بەكىتىلگەن قازاقستان رەسپۋبليكاسىنىڭ مەملەكەتتىك شەكاراسىنان زاڭسىز وتەتىن, قازاقستان رەسپۋبليكاسىنىڭ اۋماعىندا زاڭسىز بولاتىن شەتەلدىكتەر مەن ازاماتتىعى جوق ادامداردى, سونداي-اق قازاقستان رەسپۋبليكاسىنىڭ اۋماعىنا كەلۋگە تىيىم سالىنعان ادامداردى ەسەپكە الۋ قاعيدالارىندا:
4-تارماق مىناداي رەداكتسيادا جازىلسىن:
«4. كوشىپ كەلۋشىلەردىڭ پاسپورتتارىن تىركەۋ «بۇركىت» بىرىڭعاي اقپاراتتىق جۇيەسىندە (بۇدان ءارى – «بۇركىت» باج) جۇرگىزىلەدى.
تىركەۋدى رەسىمدەۋ كوشىپ كەلۋشىنى ۋاقىتشا تىركەۋ تۋرالى انىقتامامەن نەمەسە ۆيزالىق-كوشى-قون پورتالىنان قاعاز تاسىمالداعىشتاعى ماتىندىك فايلمەن نەمەسە كوشى-قون كارتوچكاسىنا بەلگى قويۋمەن راستالادى, ونى:
1) قازاقستان رەسپۋبليكاسىنىڭ مەملەكەتتىك شەكاراسى ارقىلى وتكىزۋ پۋنكتتەرىندە قازاقستان رەسپۋبليكاسى ۇلتتىق قاۋىپسىزدىك كوميتەتىمەن كەلىسۋ بويىنشا قازاقستان رەسپۋبليكاسى سىرتقى ىستەر مينيسترلىگى قازاقستان رەسپۋبليكاسى ىشكى ىستەر مينيسترلىگىمەن بىرلەسىپ بەكىتكەن شەتەلدىكتەر مەن ازاماتتىعى جوق ادامداردىڭ قازاقستان رەسپۋبليكاسىنا كەلۋىنە شاقىرۋلاردى رەسىمدەۋ جانە كەلىسۋ, قازاقستان رەسپۋبليكاسىنىڭ ۆيزالارىن بەرۋ, كۇشىن جويۋ, قالپىنا كەلتىرۋ, سونداي-اق ولاردىڭ قولدانىلۋ مەرزىمدەرىن ۇزارتۋ جانە قىسقارتۋ تارتىبىمەن ايقىندالاتىن ەكونوميكاسى دامىعان جانە ساياسي تۇراقتى ەلدەردىڭ جانە وسى قاۋلىمەن بەكىتىلگەن كوشىپ كەلۋشىلەردىڭ قازاقستان رەسپۋبليكاسىنا كەلۋىنىڭ جانە وندا بولۋىنىڭ, سونداي-اق ولاردىڭ قازاقستان رەسپۋبليكاسىنان كەتۋى قاعيدالارىنىڭ 17-تارماعىندا كورسەتىلگەن ەلدەردىڭ ازاماتتارىنا قازاقستان رەسپۋبليكاسى ۇلتتىق قاۋىپسىزدىك كوميتەتىنىڭ شەكارا قىزمەتى;
1) كوشىپ كەلۋشىلەردىڭ ۋاقىتشا تۇراتىن جەرى بويىنشا, ونىڭ ىشىندە «بۇركىت» باج ارقىلى قابىلداۋشى ادامداردان ولاردا بولاتىن كوشىپ كەلۋشىلەر تۋرالى اقپارات الۋ ارقىلى ىشكى ىستەر ورگاندارى قويادى.
كوشىپ كەلۋشىنى قابىلدايتىن جەكە جانە زاڭدى تۇلعالار vmp.gov.kz نەمەسە e.gov.kz ۆەب-سايتتارى ارقىلى دەربەس تسيفرلىق ەلەكتروندىق قولتاڭبا ارقىلى «بۇركىت» باج ۆيزالىق-كوشى-قون پورتالىنا اقپارات ەنگىزەدى جانە پاسپورتقا كوشىپ كەلۋشىنى تىركەۋ تۋرالى جاپسىرما قاعازدى قاعاز تاسىمالداعىشتا باسىپ شىعارادى.»;
8-تارماق مىناداي رەداكتسيادا جازىلسىن:
«8. قازاقستان رەسپۋبليكاسىنان شىعارىپ جىبەرۋ تۋرالى سوت شەشىمدەرىن ورىنداۋ «بۇركىت» باج-دى پايدالانا وتىرىپ, قازاقستان رەسپۋبليكاسىنان شىعارىلاتىن ادامنىڭ باقىلاناتىن دەربەس شىعۋى ارقىلى جۇرگىزىلەدى.
شەتەلدىكتەردى نەمەسە ازاماتتىعى جوق ادامداردى سوتتىڭ شەشىمى بويىنشا ءماجبۇرلى تارتىپپەن شىعارۋ كورسەتىلگەن ادام اۋماعىنا شىعارىلاتىن شەت مەملەكەتتىڭ بيلىك وكىلىنە ولاردى رەسمي بەرۋ جولىمەن جۇرگىزىلەدى.»;
13-تارماق مىناداي رەداكتسيادا جازىلسىن:
«13. بۇرىن قازاقستان رەسپۋبليكاسىنان شىعارىلعان كوشىپ كەلۋشىلەرگە «حالىقتىڭ كوشى-قونى تۋرالى» 2011 جىلعى 22 شىلدەدەگى قازاقستان رەسپۋبليكاسى زاڭىنىڭ 48-بابىنا سايكەس شىعارىپ جىبەرۋ تۋرالى سوت شەشىمى شىعارىلعان كۇننەن باستاپ بەس جىل بويى قازاقستان رەسپۋبليكاسىنا كەلۋگە تىيىم سالىنادى.
سوتتىڭ كورسەتىلگەن شەشىمدەرى نەگىزىندە ولار زاڭدى كۇشىنە ەنگەننەن كەيىن باستاماشى ورگان «بۇركىت» باج-عا ءبىر جۇمىس كۇنى ىشىندە قازاقستان رەسپۋبليكاسىنا كەلۋگە تىيىم سالىنعان ادامدار تۋرالى اقپارات ەنگىزەدى.».
2. «كوشى-قون كارتوچكاسىن بەرۋ قاعيدالارىن بەكىتۋ جانە «كوشىپ كەلۋشىلەردىڭ قازاقستان رەسپۋبليكاسىنا كەلۋىنىڭ جانە وندا بولۋىنىڭ, سونداي-اق ولاردىڭ قازاقستان رەسپۋبليكاسىنان كەتۋىنىڭ قاعيدالارىن جانە كوشى-قون باقىلاۋىن جۇزەگە اسىرۋ, سونداي-اق قازاقستان رەسپۋبليكاسىنىڭ مەملەكەتتىك شەكاراسىنان زاڭسىز وتەتىن, قازاقستان رەسپۋبليكاسىنىڭ اۋماعىندا زاڭسىز بولاتىن شەتەلدىكتەر مەن ازاماتتىعى جوق ادامداردى, سونداي-اق قازاقستان رەسپۋبليكاسىنىڭ اۋماعىنا كەلۋگە تىيىم سالىنعان ادامداردى ەسەپكە الۋ قاعيدالارىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2012 جىلعى 21 قاڭتارداعى № 148 قاۋلىسىنا وزگەرىستەر ەنگىزۋ تۋرالى» قازاقستان رەسپۋبليكاسى ۇكىمەتىنىڭ 2014 جىلعى 24 اقپانداعى № 133 قاۋلىسىنىڭ (قازاقستان رەسپۋبليكاسىنىڭ ءپۇاج-ى, 2014 جىل, № 9, 87-قۇجات) كۇشى جويىلدى دەپ تانىلسىن.
3. وسى قاۋلى العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.
قازاقستان رەسپۋبليكاسىنىڭ پرەمەر-ءمينيسترى ك.ءماسىموۆ.
قازاقستان رەسپۋبليكاسى ۇكىمەتىنىڭ
2016 جىلعى 7 ساۋىردەگى №190 قاۋلىسىنا قوسىمشا
قازاقستان رەسپۋبليكاسى ۇكىمەتىنىڭ
2012 جىلعى 21 قاڭتارداعى № 148 قاۋلىسىمەن بەكىتىلگەن
كوشىپ كەلۋشىلەردىڭ قازاقستان رەسپۋبليكاسىنا كەلۋىنىڭ جانە وندا بولۋىنىڭ,
سونداي-اق ولاردىڭ قازاقستان رەسپۋبليكاسىنان كەتۋىنىڭ قاعيدالارى
1. جالپى ەرەجەلەر
1. وسى كوشىپ كەلۋشىلەردىڭ قازاقستان رەسپۋبليكاسىنا كەلۋىنىڭ جانە وندا بولۋىنىڭ, سونداي-اق ولاردىڭ قازاقستان رەسپۋبليكاسىنان كەتۋىنىڭ قاعيدالارى (بۇدان ءارى – قاعيدالار) قازاقستان رەسپۋبليكاسىنىڭ كونستيتۋتسياسىنا, قازاقستان رەسپۋبليكاسىنىڭ «حالىقتىڭ كوشى-قونى تۋرالى» 2011 جىلعى 22 شىلدەدەگى, «شەتەلدىكتەردىڭ قۇقىقتىق جاعدايى تۋرالى» 1995 جىلعى 19 ماۋسىمداعى زاڭدارىنا سايكەس ازىرلەندى جانە كوشىپ كەلۋشىلەردىڭ قازاقستان رەسپۋبليكاسىنا كەلۋىنىڭ جانە وندا بولۋىنىڭ, سونداي-اق ولاردىڭ قازاقستان رەسپۋبليكاسىنان كەتۋىنىڭ ءتارتىبىن ايقىندايدى.
2. وسى قاعيدالاردىڭ نورمالارىن بۇزۋ قازاقستان رەسپۋبليكاسىنىڭ زاڭدارىندا كوزدەلگەن جاۋاپكەرشىلىككە اكەپ سوعادى.
3. كوشىپ كەلۋشىلەردىڭ قازاقستان رەسپۋبليكاسىندا بولۋ مەرزىمدەرىن قىسقارتۋ جانە ولاردى قازاقستان رەسپۋبليكاسىنان شىعارۋ قازاقستان رەسپۋبليكاسىنىڭ حالىقتىڭ كوشى-قونى سالاسىنداعى زاڭدارىندا كوزدەلگەن نەگىزدەر بويىنشا جۇرگىزىلەدى.
4. ەگەر قازاقستان رەسپۋبليكاسى راتيفيكاتسيالاعان حالىقارالىق شارتتاردا وسى قاعيدالاردا قامتىلعاننان وزگە قاعيدالار بەلگىلەنگەن بولسا, وندا حالىقارالىق شارتتىڭ قاعيدالارى قولدانىلادى.
2. كوشىپ كەلۋشىلەردىڭ قازاقستان رەسپۋبليكاسىنا كەلۋىنىڭ جانە بولۋىنىڭ, سونداي-اق ولاردىڭ قازاقستان رەسپۋبليكاسىنان كەتۋىنىڭ ءتارتىبى
5. ەگەر قازاقستان رەسپۋبليكاسىنىڭ زاڭنامالىق اكتىلەرىندە جانە/نەمەسە قازاقستان رەسپۋبليكاسى راتيفيكاتسيالاعان حالىقارالىق شارتتاردا وزگەشە ءتارتىپ بەلگىلەنبەسە, قازاقستان رەسپۋبليكاسىنىڭ ۆيزالارى بولعان كەزدە كوشىپ كەلۋشىلەر حالىقارالىق جانە جولاۋشى قاتىناستارى ءۇشىن اشىق قازاقستان رەسپۋبليكاسىنىڭ مەملەكەتتىك شەكاراسىنداعى وتكىزۋ پۋنكتتەرى ارقىلى پاسپورتتارى نەمەسە ولاردى الماستىراتىن قۇجاتتارى (بۇدان ءارى – پاسپورتتار) بويىنشا قازاقستان رەسپۋبليكاسىنا كەلەدى جانە قازاقستان رەسپۋبليكاسىنان كەتەدى.
ۆيزانىڭ قولدانىلۋ مەرزىمى كوشىپ كەلۋشى پاسپورتىنىڭ قولدانىلۋ مەرزىمى اياقتالعانعا دەيىن كەمىندە ءۇش اي بۇرىن اياقتالادى.
6. كوشىپ كەلۋشىلەردىڭ قازاقستان رەسپۋبليكاسىندا رۇقسات ەتىلگەن بولۋ مەرزىمى كوشى-قون كارتوچكاسىندا كورسەتىلگەن تىركەۋ مەرزىمى وتكەن سوڭ اياقتالادى.
تىركەۋ مەرزىمىن ۇزارتۋ ىشكى ىستەر ورگاندارى كوشى-قون كارتوچكاسىنا قوياتىن ءتيىستى بەلگىمەن رەسىمدەلەدى.
تىركەۋ وسى قاعيدالاردىڭ 10-تارماعىندا كورسەتىلگەن مەرزىمدەرگە, سونداي-اق:
ءتيىستى مەديتسينالىق ۇيىمدار بەلگىلەگەن, كوشىپ كەلۋشىنىڭ نەمەسە ونىڭ جاقىن تۋىستارىنىڭ اۋىر ناۋقاستانۋىنا بايلانىستى – ەمدەۋ ءۇشىن اسا قاجەتتى كەزەڭگە;
ايرىقشا جاعدايلاردا (الەۋمەتتىك, تابيعي جانە تەحنوگەندىك سيپاتتاعى توتەنشە جاعدايلار كەزىندە جانە تابيعي ءزىلزالانىڭ نەمەسە ءىرى اۋقىمدى اۆاريانىڭ (اپاتتىڭ) ناقتى قاۋپىنە بايلانىستى توتەنشە جاعداي ەنگىزىلگەن كەزدە, سونداي-اق كولىكتىڭ جۇمىس كەستەسى بۇزىلعان كەزدە) – شىعۋدى ۇيىمداستىرۋ ءۇشىن قاجەتتى, بىراق كۇنتىزبەلىك توقسان كۇننەن اسپايتىن مەرزىمگە ۇزارتىلادى.
7. قازاقستان رەسپۋبليكاسىنىڭ حالىقتىڭ كوشى-قونى سالاسىنداعى زاڭناماسىندا جانە/نەمەسە قازاقستان رەسپۋبليكاسى راتيفيكاتسيالاعان حالىقارالىق شارتتاردا وزگەشە كوزدەلمەسە, جەرگىلىكتى اتقارۋشى ورگان نەمەسە ىشكى ىستەر ورگاندارى بەرگەن ءتيىستى رۇقساتتارسىز قازاقستان رەسپۋبليكاسىندا ۋاقىتشا بولاتىن كوشىپ كەلۋشىلەردىڭ ەڭبەك قىزمەتىن جۇزەگە اسىرۋىنا جول بەرىلمەيدى.
8. كوشىپ كەلۋشىلەردىڭ قازاقستان رەسپۋبليكاسىنا كەلۋىنە جانە قازاقستان رەسپۋبليكاسىنان كەتۋىنە قازاقستان رەسپۋبليكاسىنىڭ حالىقتىڭ كوشى-قونى سالاسىنداعى زاڭنامالىق اكتىلەرىندە بەلگىلەنگەن نەگىزدەر بويىنشا تىيىم سالىنادى.
9. ەگەر قازاقستان رەسپۋبليكاسى ءتيىستى تاراپپەن جاساسقان كەلىسىم نەمەسە قازاقستان رەسپۋبليكاسىنىڭ ۇكىمەتى وزگەشە ءتارتىپ بەلگىلەمەسە, قازاقستان رەسپۋبليكاسىنىڭ مەملەكەتتىك شەكاراسىن كەسىپ وتكەن كۇننەن باستاپ كۇنتىزبەلىك بەس كۇننەن استام قازاقستان رەسپۋبليكاسىندا ۋاقىتشا بولاتىن كوشىپ كەلۋشىلەردە ۋاقىتشا تۇرۋعا (تىركەۋگە) رۇقساتى بولۋى قاجەت.
كوشىپ كەلۋشىلەردى تىركەۋدى ىشكى ىستەر ورگاندارى قابىلداۋشى ادامداردىڭ, سونداي-اق قازاقستان رەسپۋبليكاسىنىڭ مەملەكەتتىك شەكاراسى ارقىلى وتكىزۋ پۋنكتتەرىنەن كەلىپ تۇسەتىن قازاقستان رەسپۋبليكاسى ۇلتتىق قاۋىپسىزدىك كوميتەتىنىڭ اقپاراتى نەگىزىندە جۇزەگە اسىرادى. قابىلداۋشى ادامدار وزدەرىندە بولاتىن كوشىپ كەلۋشىلەر تۋرالى ىشكى ىستەر ورگاندارىنا ولار كەلگەن كۇننەن باستاپ ءۇش جۇمىس كۇنى ىشىندە حابارلايدى.
كورسەتىلگەن مەرزىمدەردى ەسەپتەۋ كوشىپ كەلۋشى قازاقستان رەسپۋبليكاسىنىڭ مەملەكەتتىك شەكاراسىن كەسىپ وتكەن نەمەسە قابىلداۋشى ادامعا كەلگەن تاۋلىكتىڭ 00.01 ساعاتىنان باستالادى.
كوشىپ كەلۋشىلەردى تىركەۋ جەكە باستى كۋالاندىراتىن قۇجاتتار بويىنشا جۇزەگە اسىرىلادى.
10. تىركەۋ كوشىپ كەلۋشىنىڭ ۇلتتىق پاسپورتىنىڭ جانە ۆيزانىڭ قولدانىلۋ مەرزىمىنەن اسپايتىن كەزەڭگە رەسىمدەلەدى.
كەلۋى مەن بولۋىنىڭ ۆيزاسىز ءتارتىبى تۋرالى راتيفيكاتسيالانعان حالىقارالىق شارتتار بار ەلدەردەن قازاقستان رەسپۋبليكاسىنا كەلگەن ازاماتتاردى تىركەۋ ۆيزاسىز بولۋ رۇقسات ەتىلگەن مەرزىمگە جاسالادى. ەگەر ناقتى مەرزىم بەلگىلەنبەگەن جاعدايدا, تىركەۋ قازاقستان رەسپۋبليكاسىنا كەلگەن كۇننەن باستاپ وتىز تاۋلىكتەن, ال ەۋرازيالىق ەكونوميكالىق وداققا مۇشە مەملەكەتتەردىڭ ازاماتتارى ءۇشىن توقسان تاۋلىكتەن اسپايتىن مەرزىمگە رەسىمدەلەدى.
قازاقستان رەسپۋبليكاسىنىڭ حالىقتىڭ كوشى-قونى سالاسىنداعى زاڭناماسىندا بەلگىلەنگەن تارتىپپەن شەتەلدىك جۇمىس كۇشىن تارتۋعا رەسىمدەلگەن رۇقساتى بار كوشىپ كەلۋشىلەردى, ەڭبەكشى كوشىپ كەلۋشىنى, سونداي-اق ولاردىڭ وتباسى مۇشەلەرىن تىركەۋ سول رۇقساتتىڭ قولدانىلۋ مەرزىمىنە رەسىمدەلەدى.
قازاقستان رەسپۋبليكاسىنىڭ حالىقتىڭ كوشى-قونى سالاسىنداعى زاڭناماسىنا جانە/نەمەسە قازاقستان رەسپۋبليكاسى راتيفيكاتسيالاعان حالىقارالىق شارتتارعا سايكەس وسى تارماقتىڭ ءۇشىنشى ابزاتسىندا كورسەتىلگەن رۇقساتتاردى الۋ قاجەت ەتىلمەيتىن كوشىپ كەلۋشىلەردى, سونداي-اق ولاردىڭ وتباسى مۇشەلەرىن تىركەۋ جىل سايىن ۇزارتۋ مۇمكىندىگىمەن ءبىر جىلعا رەسىمدەلەدى, بىراق ەڭبەك شارتىنىڭ نەمەسە جۇمىستاردى ورىنداۋ (قىزمەتتەر كورسەتۋ) جونىندەگى ازاماتتىق-قۇقىقتىق شارتتىڭ قولدانىلۋ مەرزىمىنەن اسپاۋى ءتيىس.
ءبىلىم الۋ, كاسىپتىك دايارلىق جانە (نەمەسە) تاعىلىمدامادان ءوتۋ ماقساتىندا كەلگەن كوشىپ كەلۋشىلەردى تىركەۋ ءبىر جىلعا رەسىمدەلەدى, بىراق وقۋ, وقۋ پراكتيكاسىنىڭ نەمەسە تاعىلىمدامانىڭ مەرزىمىنەن اسپاۋى ءتيىس.
وتباسىن بىرىكتىرۋ ماقساتىندا قازاقستان رەسپۋبليكاسىنا كەلگەن كوشىپ كەلۋشىلەردى تىركەۋ «حالىقتىڭ كوشى-قونى تۋرالى» 2011 جىلعى 22 شىلدەدەگى قازاقستان رەسپۋبليكاسىنىڭ زاڭىندا كوزدەلگەن مەرزىمدەرگە رەسىمدەلەدى.
قىلمىستىق پروتسەستىك زاڭنامادا بەلگىلەنگەن تارتىپپەن وزدەرىنە قاتىستى قازاقستان رەسپۋبليكاسىنىڭ قىلمىستىق كودەكسىنە سايكەس اۋىر نەمەسە اسا اۋىر قىلمىس دەپ تانىلاتىن ءىس-ارەكەتتەر جاسالعانى تۋرالى حابارلاعان كوشىپ كەلۋشىلەردى تىركەۋ قازاقستان رەسپۋبليكاسىنىڭ قىلمىستىق پروتسەستىك زاڭناماسىنا سايكەس ارىزدى قاراۋ ءۇشىن قاجەتتى مەرزىمگە رەسىمدەلەدى.
قىلمىستىق پروتسەستىك زاڭنامادا بەلگىلەنگەن تارتىپپەن وسىنداي قىلمىستار تۋرالى قىلمىستىق ىستەر بويىنشا جابىرلەنۋشىلەر نەمەسە كۋاگەرلەر دەپ تانىلعان كوشىپ كەلۋشىلەردى تىركەۋ قىلمىستىق ءىستى تەرگەۋ ءۇشىن قاجەتتى مەرزىمگە, بىراق كۇنتىزبەلىك توقسان كۇننەن اسپايتىن مەرزىمگە رەسىمدەلەدى.
پانا ىزدەگەن ادامداردى جانە بوسقىنداردى تىركەۋ قازاقستان رەسپۋبليكاسىنىڭ بوسقىندار تۋرالى زاڭناماسىندا بەلگىلەنگەن تارتىپپەن رەسىمدەلەدى.
قازاقستان رەسپۋبليكاسى سوتتارىنىڭ ۇكىمدەرى بويىنشا قوعامنان وقشاۋلاۋمەن بايلانىستى ەمەس جازالارعا شارتتى تۇردە بوساتىلعان, سونداي-اق شارتتى تۇردە مەرزىمىنەن بۇرىن بوساتىلعان ادامداردى تىركەۋ تاعايىندالعان جازانىڭ مەرزىمىنە نە جازانىڭ وتەلمەگەن بولىگىنە رەسىمدەلەدى.
قازاقستان رەسپۋبليكاسىمەن كەلۋ مەن بولۋدىڭ ۆيزاسىز ءتارتىبى تۋرالى كەلىسىمدەر جاساسقان مەملەكەتتەردەن كەلگەن بيزنەس-كوشىپ كەلۋشىلەردى تىركەۋ جەرگىلىكتى اتقارۋشى ورگاننىڭ ءوتىنىشحاتى بويىنشا جىل سايىن ۇزارتۋ مۇمكىندىگىمەن ءبىر جىلعا, بىراق ءۇش جىلدان اسپايتىن مەرزىمگە جۇرگىزىلەدى.
بيزنەس-كوشىپ كەلۋشى بولىپ تابىلاتىن شاقىرۋشى ادامنىڭ وتباسى مۇشەلەرىن تىركەۋ جىل سايىن ۇزارتۋ مۇمكىندىگىمەن ءبىر جىلعا جۇزەگە اسىرىلادى. بۇل رەتتە شاقىرۋشى ادامنىڭ وتباسى مۇشەلەرىن تىركەۋ شاقىرۋشى ادامدى تىركەۋدىڭ قولدانىلۋ مەرزىمىنەن اسپاۋى ءتيىس.
پاسپورتتاردى تىركەۋدەن:
ديپلوماتيالىق نەمەسە قىزمەتتىك پاسپورتتارى بار;
قازاقستان رەسپۋبليكاسىنا قازاقستان رەسپۋبليكاسىنىڭ «ديپلوماتيالىق», «قىزمەتتىك» جانە «ينۆەستورلىق» ساناتتاعى ۆيزالارىمەن كەلگەن نەمەسە قازاقستان رەسپۋبليكاسىنىڭ ينۆەستيتسيالار ماسەلەلەرى جونىندەگى ۋاكىلەتتى ورگانىنان «ينۆەستور» مارتەبەسىن راستاعان كەزدە (ۆيزاسىز بولۋ رەجيمىندەگى ەلدەر ءۇشىن);
16 جاسقا تولماعان كوشىپ كەلۋشىلەر بوساتىلادى.
كوشىپ كەلۋشى قازاقستان رەسپۋبليكاسىندا ۋاقىتشا تۇراتىن جەرىن اۋىستىرعان كەزدە قابىلداۋشى ادام بۇل تۋرالى ىشكى ىستەر ورگاندارىنا ءۇش جۇمىس كۇنى ىشىندە حابارلايدى.
تۇراقتى نەمەسە ۋاقىتشا تۇراتىن جەرى وزگەرگەن جاعدايدا, كوشىپ كەلۋشىلەر كۇنتىزبەلىك بەس كۇن ىشىندە جاڭا تۇراتىن جەرى بويىنشا ىشكى ىستەر ورگاندارىندا قايتا تىركەۋدەن وتەدى.
11. قازاقستان رەسپۋبليكاسىندا تۇراقتى تۇرۋعا رۇقسات الۋعا ىشكى ىستەر ورگاندارىنا ءوتىنىش بىلدىرگەن كوشىپ كەلۋشىلەردى تىركەۋ ءوتىنىشتى قاراۋ ءۇشىن قاجەت كەزەڭگە, بىراق كۇنتىزبەلىك توقسان كۇننەن اسپايتىن مەرزىمگە ۇزارتىلادى.
12. بيزنەس-كوشىپ كەلۋشىنىڭ ۆيزاسى بويىنشا ەلگە كەلگەن شەتەلدىك ىشكى ىستەر ورگاندارىندا ۆيزانىڭ قولدانىلۋ مەرزىمىنە تىركەلەدى.
13. ەڭبەك قىزمەتىن جۇزەگە اسىرۋ ماقساتىندا كەلەتىن كوشىپ كەلۋشىلەر مىناداي ساناتتارعا بولىنەدى:
1) شەتەلدىك قىزمەتكەرلەر – قازاقستان رەسپۋبليكاسىنىڭ اۋماعىندا ەڭبەك قىزمەتىن جۇزەگە اسىرۋ ءۇشىن كەلگەن نەمەسە جۇمىس بەرۋشىلەر تارتاتىن, ونىڭ ىشىندە كورپوراتيۆىشىلىك اۋىسۋ شەڭبەرىندە كەلگەن كوشىپ كەلۋشىلەر;
2) بيزنەس-كوشىپ كەلۋشىلەر – قازاقستان رەسپۋبليكاسىنىڭ زاڭناماسىنا سايكەس كاسىپكەرلىك قىزمەتتى جۇزەگە اسىرۋ ماقساتىندا كەلگەن كوشىپ كەلۋشىلەر;
3) ماۋسىمدىق شەتەلدىك قىزمەتكەرلەر – كليمات نەمەسە وزگە دە تابيعات جاعدايلارىنا بايلانىستى بەلگىلى ءبىر, بىراق ءبىر جىلدان اسپايتىن كەزەڭنىڭ (ماۋسىمنىڭ) ىشىندە اتقارىلاتىن ماۋسىمدىق جۇمىستاردى ورىنداۋ ءۇشىن جۇمىس بەرۋشىلەر جۇمىسقا تارتاتىن كوشىپ كەلۋشىلەر;
4) ەڭبەكشى كوشىپ كەلۋشىلەر – ەڭبەكشى كوشىپ كەلۋشىنىڭ رۇقساتى نەگىزىندە جۇمىس بەرۋشى – جەكە تۇلعالاردا ءۇي شارۋاشىلىعىندا جۇمىستار ورىنداۋ (قىزمەتتەر كورسەتۋ) ماقساتىندا قازاقستان رەسپۋبليكاسىنا ءۇي جۇمىسكەرلەرى رەتىندە كەلگەن كوشىپ كەلۋشىلەر.
14. ەگەر قازاقستان رەسپۋبليكاسىنىڭ حالىقتىڭ كوشى-قونى سالاسىنداعى زاڭناماسىندا جانە/نەمەسە قازاقستان رەسپۋبليكاسى راتيفيكاتسيالاعان حالىقارالىق شارتتاردا وزگەشە كوزدەلمەسە, شەتەلدىك جۇمىس كۇشىن تارتۋ, سونداي-اق قازاقستان رەسپۋبليكاسىنا ۋاقىتشا كەلەتىن كوشىپ كەلۋشىلەردىڭ ەڭبەك قىزمەتىن جۇزەگە اسىرۋى جەرگىلىكتى اتقارۋشى ورگاننىڭ نەمەسە ىشكى ىستەر ورگاندارىنىڭ رۇقساتى نەگىزىندە جۇزەگە اسىرىلادى.
15. بيزنەس-كوشىپ كەلۋشىلەر «حالىقتىڭ كوشى-قونى تۋرالى» 2011 جىلعى 22 شىلدەدەگى قازاقستان رەسپۋبليكاسىنىڭ زاڭىندا بەلگىلەنگەن مىندەتتەردى ورىنداماعان جاعدايدا, ىشكى ىستەر ورگاندارى جەرگىلىكتى اتقارۋشى ورگانداردىڭ ءوتىنىشحاتى نەگىزىندە بيزنەس-كوشىپ كەلۋشىلەردىڭ ەرىكتى تۇردە كەتۋى ءۇشىن قاجەتتى مەرزىمگە ولاردىڭ بولۋ مەرزىمىن قىسقارتۋ تۋرالى شەشىم قابىلدايدى.
16. ەگەر قازاقستان رەسپۋبليكاسىنىڭ حالىقتىڭ كوشى-قونى سالاسىنداعى زاڭناماسىندا جانە/نەمەسە قازاقستان رەسپۋبليكاسى راتيفيكاتسيالاعان حالىقارالىق شارتتاردا وزگەشە كوزدەلمەسە, ماۋسىمدىق شەتەلدىك قىزمەتكەرلەر, گۋمانيتارلىق سەبەپتەر بويىنشا كەلەتىن كوشىپ كەلۋشىلەر جالپى نەگىزدە تىركەلەدى.
3. جەكەلەگەن شەتەل مەملەكەتتەرى ازاماتتارىنىڭ قازاقستان رەسپۋبليكاسىنا كەلۋىنىڭ جانە بولۋىنىڭ, سونداي-اق ولاردىڭ قازاقستان رەسپۋبليكاسىنان كەتۋىنىڭ ءتارتىبى
17. ەگەر قازاقستان رەسپۋبليكاسىندا بولۋ كەزەڭى قازاقستان رەسپۋبليكاسىنىڭ مەملەكەتتىك شەكاراسىن كەسىپ وتكەن كەزدەن باستاپ كۇنتىزبەلىك ون بەس كۇننەن اسپاسا, اۋستراليا وداعى, ماجارستان, يتاليا رەسپۋبليكاسى, موناكو كنيازدىگى, بەلگيا كورولدىگى, يسپانيا كورولدىگى, نيدەرلاند كورولدىگى, نورۆەگيا كورولدىگى, شۆەتسيا كورولدىگى, مالايزيا, بىرىككەن اراب امىرلىكتەرى, سينگاپۋر, ۇلىبريتانيا مەن سولتۇستىك يرلانديا قۇراما كورولدىگى, امەريكا قۇراما شتاتتارى, گەرمانيا فەدەراتيۆتىك رەسپۋبليكاسى, فينليانديا رەسپۋبليكاسى, فرانتسۋز رەسپۋبليكاسى, شۆەيتساريا كونفەدەراتسياسى جانە جاپونيا ازاماتتارى 2015 جىلعى 16 شىلدە – 2017 جىلعى 31 جەلتوقسان كەزەڭىندە قازاقستان رەسپۋبليكاسىنا ۆيزاسىز كەلەدى جانە قازاقستان رەسپۋبليكاسىنان ۆيزاسىز كەتەدى.
18. وسى قاعيدالاردىڭ 17-تارماعىندا كورسەتىلگەن مەملەكەتتەردىڭ ازاماتتارى قازاقستان رەسپۋبليكاسىنىڭ اۋماعىندا ىسكەرلىك ماقساتتا بولۋىن كۇنتىزبەلىك ون بەس كۇننەن ارتىق ۇزارتۋ تۋرالى ءوتىنىش بەرگەن كەزدە, قازاقستان رەسپۋبليكاسىنىڭ ىشكى ىستەر ورگاندارى كۇنتىزبەلىك وتىز كۇنگە دەيىنگى مەرزىمگە «ىسكەرلىك» ساناتىنداعى بىرمارتەلىك ۆيزالاردى بەرۋدى جۇزەگە اسىرادى.
19. وسى قاعيدالاردىڭ 17-تارماعىندا كورسەتىلگەن مەملەكەتتەر ازاماتتارىنىڭ ينۆەستور مارتەبەسىن دالەلدەيتىن ينۆەستيتسيالار جونىندەگى ۋاكىلەتتى ورگاننىڭ ءوتىنىشحاتى بولعان كەزدە, قازاقستان رەسپۋبليكاسىنىڭ ىشكى ىستەر ورگاندارى كۇنتىزبەلىك توقسان كۇنگە دەيىنگى مەرزىمگە «ينۆەستورلىق» ساناتىنداعى بىرمارتەلىك ۆيزالاردى بەرۋدى جۇزەگە اسىرادى.
20. ەۋرازيالىق ەكونوميكالىق وداققا مۇشە مەملەكەتتەردىڭ ەڭبەكشى كوشىپ كەلۋشىلەرى جانە ولاردىڭ وتباسى مۇشەلەرى قازاقستان رەسپۋبليكاسىنا ۆيزاسىز كەلەدى, سونداي-اق وسى قاعيدالاردىڭ 10-تارماعىندا كورسەتىلگەن تىركەۋ مەرزىمى ىشىندە قازاقستان رەسپۋبليكاسىندا ۆيزاسىز بولادى جانە كەتەدى.
21. قازاقستان رەسپۋبليكاسى سوتتارىنىڭ ۇكىمدەرى بويىنشا باس بوستاندىعىنان ايىرۋعا سوتتالعان شەتەلدىكتەر قازاقستان رەسپۋبليكاسىندا ۆيزاسىز جانە تىركەۋسىز بولادى.
قازاقستان رەسپۋبليكاسى سوتتارىنىڭ ۇكىمدەرى بويىنشا قوعامنان وقشاۋلاۋمەن بايلانىستى ەمەس جازالارعا شارتتى تۇردە جازالانعان, سونداي-اق شارتتى تۇردە مەرزىمىنەن بۇرىن بوساتىلعان شەتەلدىكتەر قازاقستان رەسپۋبليكاسىندا وسى قاعيدالاردىڭ 10-تارماعىندا كورسەتىلگەن تىركەۋ مەرزىمى ىشىندە ۆيزاسىز بولادى. قازاقستان رەسپۋبليكاسىنان كەتۋ ءۇشىن ولارعا ءتيىستى ساناتتاعى ۆيزا رەسىمدەلەدى.
4. كوشىپ كەلۋشىلەردىڭ قازاقستان رەسپۋبليكاسىنىڭ اۋماعى ارقىلى
ءجۇرىپ-تۇرۋى جانە ترانزيتپەن جول ءجۇرۋى جانە ولاردىڭ قازاقستان رەسپۋبليكاسىندا تۇرعىلىقتى تۇراتىن جەر تاڭداۋى
22. كوشىپ كەلۋشىلەر قازاقستان رەسپۋبليكاسىنىڭ شەتەلدىكتەردىڭ بارۋى ءۇشىن اشىق اۋماعى بويىنشا ەركىن ءجۇرىپ-تۇرا الادى جانە قازاقستان رەسپۋبليكاسىنىڭ حالىقتىڭ كوشى-قونى سالاسىنداعى زاڭناماسىندا بەلگىلەنگەن تارتىپكە سايكەس تۇرعىلىقتى جەردى تاڭداي الادى. ءجۇرىپ-تۇرۋ مەن تۇرعىلىقتى تۇراتىن جەردى تاڭداۋداعى شەكتەۋلەردى قازاقستان رەسپۋبليكاسىنىڭ ۇكىمەتى «مەملەكەتتىك قۇپيالار تۋرالى» قازاقستان رەسپۋبليكاسى زاڭىنىڭ 7-تارماعىنىڭ 7) تارماقشاسىنا سايكەس بەلگىلەيدى.
23. شەتەلدىكتەردىڭ قازاقستان رەسپۋبليكاسى ارقىلى ءجۇرىپ-تۇرۋى, سونداي-اق ولاردىڭ شەتەلدىكتەر ءۇشىن جابىق جەكەلەگەن جەرلەرگە (اۋماقتارعا) بارۋ ءتارتىبىن قازاقستان رەسپۋبليكاسى ۇلتتىق قاۋىپسىزدىك كوميتەتىمەن كەلىسۋ بويىنشا قازاقستان رەسپۋبليكاسى ىشكى ىستەر مينيسترلىگى ايقىندايدى.
24. قازاقستان رەسپۋبليكاسىنىڭ اۋماعى ارقىلى ترانزيتپەن وتەتىن كوشىپ كەلۋشىلەردىڭ قازاقستان رەسپۋبليكاسىنا كەلۋى جانە قازاقستان رەسپۋبليكاسىنان كەتۋى ءۇشىن قازاقستان رەسپۋبليكاسىنىڭ ترانزيتتىك ۆيزالارى رەسىمدەلەدى.
25. شەتەلدىكتەردىڭ قازاقستان رەسپۋبليكاسىنىڭ اۋماعى ارقىلى ترانزيتپەن جول جۇرۋىنە, ولاردا ءۇشىنشى ەلگە كىرۋ ءۇشىن جارامدى قۇجاتتار (ۆيزالار) بولعان جاعدايدا, بەس تاۋلىكتەن اسپايتىن مەرزىمگە رۇقسات ەتىلەدى.
26. قازاقستان رەسپۋبليكاسىنىڭ اۋماعى ارقىلى ۆيزاسىز كەلۋ تۋرالى كەلىسىم بار وزدەرىنىڭ ازاماتتىعى مەملەكەتتەرىنىڭ ەلدەرىنە ترانزيتپەن وتەتىن شەتەلدىكتەر قازاقستان رەسپۋبليكاسىنىڭ ترانزيتتىك ۆيزاسىن رەسىمدەيدى.
27. قازاقستان رەسپۋبليكاسىنىڭ كوشى-قون سالاسىنداعى زاڭناماسىن بۇزعان نە كوشىپ كەلۋشىلەردىڭ قازاقستان رەسپۋبليكاسىندا ودان ءارى بولۋ نەگىزدەرى بولماعان جاعدايلاردا, ولاردىڭ قازاقستان رەسپۋبليكاسىندا بولۋ مەرزىمى قىسقارتىلادى.
قازاقستان رەسپۋبليكاسىندا بولۋ قاعيدالارىن بۇزعان كوشىپ كەلۋشىلەر, ياعني تۇرۋ قۇقىعىنا قۇجاتتارسىز تۇرىپ جاتقان نەمەسە جارامسىز قۇجاتتار بويىنشا تۇرىپ جاتقان, تىركەۋدىڭ نە جۇرىپ-تۇرۋدىڭ جانە تۇرعىلىقتى تۇراتىن جەردى تاڭداۋدىڭ بەلگىلەنگەن ءتارتىبىن ساقتامايتىن, وزدەرىنە بەلگىلەنگەن بولۋ مەرزىمى وتكەننەن كەيىن شىعۋدان جالتارعان, سونداي-اق قازاقستان رەسپۋبليكاسىنىڭ اۋماعى ارقىلى ترانزيتپەن جول ءجۇرۋ قاعيدالارىن ساقتامايتىن كوشىپ كەلۋشىلەر قازاقستان رەسپۋبليكاسىنىڭ كوشى-قون سالاسىنداعى زاڭدارىنا سايكەس اكىمشىلىك جاۋاپكەرشىلىككە تارتۋعا جاتادى.
قازاقستان رەسپۋبليكاسىنىڭ مەملەكەتتىك شەكاراسىنداعى وتكىزۋ پۋنكتتەرىندە ەسكەرتۋ تۇرىندە جازاعا اكەپ سوعاتىن كوشى-قون زاڭناماسىن بۇزۋ انىقتالعان جانە شەتەلدىك نەمەسە ازاماتتىعى جوق ادام قۇقىق بۇزۋشىلىق فاكتىسىن مويىنداعان جاعدايلاردا, اكىمشىلىك قۇقىق بۇزۋشىلىق تۋرالى حاتتاما تولتىرىلمايدى. شەتەلدىك نەمەسە ازاماتتىعى جوق ادام ىشكى ىستەر ورگاندارى نە قازاقستان رەسپۋبليكاسى ۇلتتىق قاۋىپسىزدىك كوميتەتىنىڭ شەكارا قىزمەتى شەشىمى شىعارعان شەشىمىنىڭ نەگىزىندە ەلدەن تىس جەرگە تىركەۋسىز جانە ۆيزاسىز شىعادى.
28. كوشىپ كەلۋشىلەردىڭ قازاقستان رەسپۋبليكاسىندا بولۋ مەرزىمىن قىسقارتۋ تۋرالى شەشىمدەردى ىشكى ىستەر ورگاندارى قابىلدايدى.
29. شەتەلدىكتەر مەن ازاماتتىعى جوق ادامداردى شىعارۋ تۋرالى سوت شەشىمى بولعان كەزدە شىعارۋدى ۇيىمداستىرۋ ءۇشىن قاجەتتى مەرزىمگە ولاردى ىشكى ىستەر ورگاندارىنىڭ ارنايى مەكەمەلەرىندە ۇستاۋعا جول بەرىلەدى.
30. كوشىپ كەلۋشى ونى قازاقستان رەسپۋبليكاسىنان شىعارۋ تۋرالى شەشىمگە ازاماتتىق پروتسەستىك تارتىپپەن شاعىمدانا الادى.
31. قازاقستان رەسپۋبليكاسىنىڭ زاڭناماسىنا جانە قازاقستان رەسپۋبليكاسى راتيفيكاتسيالاعان حالىقارالىق شارتتارعا سايكەس ارتىقشىلىقتار مەن يممۋنيتەتتەردى پايدالاناتىن كوشىپ كەلۋشىلەردىڭ بولۋ ءتارتىبىن بۇزعانى ءۇشىن جاۋاپكەرشىلىگى تۋرالى, سونداي-اق ولاردىڭ قازاقستان رەسپۋبليكاسىنىڭ اۋماعىندا بولۋ مەرزىمىن قىسقارتۋ تۋرالى ماسەلە ديپلوماتيالىق ارنالار ارقىلى شەشىلەدى.